HATAW! D'yaryo ng Bayan hatawtabloid.com
ni ALLAN SANCON
MATAPOS ang massive success ng The Rain in España ay magpapatuloy ang journey ng magkakabarkada at ipinakilala na ang mga bagong bibida sa bagong University series na Safe Skies, Archer na tiyak aabangan dahil sa bagong love story nina Yanna played by Krissha Viaje at Hiro played by Jerome Ponce.
Namangha ang mga press sa trailer ng Safe Skies, Archer dahil bongga ang mga eksenang aabangan sa series na ito. Medyo mas mature ang atake dahil sa lovescenes nina Jerome at Krissha. Natanong ng ilang press sa dalawa kung kumusta ang mga intimate scene nila at ito ang sagot ng dalawa
“Tanungin n’yo po si Jerome kasi siya ‘yung nanginginig sa mga eksena namin,” ani Krissha.
“First time ko kasing gagawin ang mga ganitong klaseng eksena, kaya medyo nanibago ako,” sagot naman ni Jerome.
Talagang ginastusan nang husto ang series na ito dahil bukod sa magagandang kuha sa bagong series ay kinunan ang ilang eksena sa airport.
Bukod sa mga dating barkada sa series na The Rain in España na sina Heaven Peralejo, Marco Gallo, Bea Binene, Gab Lagman, Aubrey Caraan, Nicole Omilio, Frost Sandoval, Andre Yllana ay makakasama rin nila rito sina Hyacinth Callado at Jairus Aquino.
This is directed by Gino Santos, sa panulat ni Gwy Saludes na magsisimula ng ipalabas sa Viva Onesa Nobyembre 2023.
