Kuya Buboy Abalos chessfest tutulak sa 8 Oktubre 2023

Marlon Bernardino September 27, 2023 Chess, Other Sports, Sports

MAYNILA — Tutulak ang Kuya Buboy Abalos Limbas Mandaragit Eagles Club Chess Tournament 2023 sa 8 Oktubre sa Robinsons Galleria, EDSA corner Ortigas Avenue, Quezon City.

Ang isang araw na Swiss System format competition ay tumatanggap ng mga kalahok sa lahat ng edad, mula sa mga bata hanggang sa matatanda.

Tampok ang nasa 150 woodpushers sa event na inorganisa ng Philippine National Police (PNP) Chess Club at itinataguyod ng sportsman na si Renato “Kuya Buboy” Abalos sa pakikipagtulungan ni National Chess Federation of the Philippines (NCFP) Director Martin “Binky” Gaticales.

Ang magkakampeon ay mananalo ng trophy, gift certificate at cash prize na P5,000, habang ang runner-up ay tatanggap ng P3,00 at medalya. Ang third placer ay mag-uuwi ng P2,000 habang ang fourth at fifth placers ay magbubulsa ng tig-P1,500 at P1,000, ayon sa pagkakabanggit.

Ang pang-anim hanggang Ika-10 puwesto ay mag-uuwi ng tig-P500.

Ang mga special awardees, tulad ng top lady, kiddies, juniors, seniors (55-60) at seniors (56-61), ay bibigyan ng tig-P500 gift certificate.

Ang registration fee ay P350.

Tumawag o mag-text sa mobile number: 0956-138-5346 para sa kompletong detalye. (MARLON BERNARDINO)