JRMSU cadets humakot ng ginto sa ROTC Games

Zambonga City – Ipinakita ng Philippine Army cadets mula sa Jose Rizal Memorial State University ang kanilang bilis matapos angkinin ang gold medal sa men at women 4x100m relay run sa athletics competition ng 2023 ROTC Games Mindanao Leg na ginanap sa Joaquin F. Enriquez Memorial Sports Complex.

Nagsanib puwersa sina Roger Austria, Leonel Rey Quinanola, Jeylord Ajero at Jan Michael Sosmena upang ilista ang 48.7 segundo sapat para masikwat ang gintong medalya sa men’s category.

Habang sa distaff side ay sina Rahima Jamil, Mary Joy Sumilhig, Shara Mae Jamisola at Christine Gomobos naman ang kuninang sa nirehistrong 57.5 segundo.

Nagwagi naman Philippine Navy division, sina Silver Jude Ventosa, Joshua Francis Barredo, Raphael Dela Cruz at Farrell ng Zamboanga Peninsula ang sumikwat ng gintong medalya matapos ilista ang 47.8 segundo.

Nasaksihan ni Senator Francis Tolentino ang mainit na bakbakan ng mga ROTC cadets at units mula sa iba’t-ibang colleges at universities na suportado ng Philippine Sports Commission, (PSA) sa pamumuno ni chairman Richard Bachmann.

Maliban sa athletics, ang ibang sports na pinaglalabanan ng mga atleta sa Army, Navy at AirForce ay ang volleyball, Kickboxing, Arnis, Boxing, Esports at Basketball.( Hataw Sports)