Stephanie Raz walang kiyeme kahit pinahiga katabi ng mga baboy

ni Allan Sancon

AMINADO si Direk Bobby Bonifacio Jr. na weirdo pero may kabuluhan ang mga pelikulang kanyang ginagawa. Katulad na lamang ng pelikulang Kahalili na pinagbibidahan ni Stephanie Raz kasama sina Victor Relosa at Millen Gal, supported by award winning actors na sina Sid Lucero at Mercedes Cabral.

Istorya ito ng isang babaeng nalulong sa ipinagbabawal na gamot na nais takasan ang trahedyang nangyari sa kanyang buhay ngunit nabuntis at pilit na ipinaglalaban ang karapatan sa kanyang anak. 

Maraming weird na eksenang ginawa si Stephanie sa pelikulang ito. Bukod sa maraming bed scenes with Sid at Victor, naroon ding pinahiga siya ni Direk Bobby katabi ang mga baboy at marami pang ibang eksenang kaabang-abang.

“Ito na yata ang pinaka-challenging role na ginawa ko sa Vivamax. Pero nagpapasalamat naman ako dahil feeling ko ay nagawa ko naman ang best ko sa movie na ito sa tulong ng aking mga director at mga kapwa artista,”kuwento ni Stephanie.

“Magaling si Stephanie rito, ginawa niya naman lahat ang mga gusto naming ipagawa sa kanya, walang arte at mahusay din naman niyang nagampanan ang kanyang role,” papuri ni Direk Bobby kay Stephanie.

Napansin din ang galing ng bagong sexy actor na si Victor na nakipagsabayan din  ng galing kay Mercedes na aminadong kinabahan sa eksena nilang dalawaz

“Medyo kinabahan nga ako noong eksenang inuuntog ko ‘yung ulo ni ma’am Mercedes kasi nag-worry ako na baka totoong nasaktan ko siya,” saad ni Victor.

Pinuri ng mga press ang pagiging weirdo pero magandang istorya ng pelikula at ang magagandang kuha ni Direk Bobby ng mga eksena. 

Palabas na simula ngayong August 18, 2023 ang pelikulang Kahalili sa Vivamax.