Billy, Chito, Julie Anne, at Stell mga coach sa bagong talent search ng GMA

I-FLEX
ni Jun Nardo

MATATAPOS na ang GMA’s talent search na Battle of the Judges dahil pagdating ng August 27, ipalalabas na ang isa pang talent search na The Voice Generations sa kaparehong timeslot.

First time mapapanood sa GMA ang nasabing show at si Dingdong Dantes ang magiging host.

Singing duos at groups mula sa iba’t ibang henerasyon ang magbabakbakan. Pero kung may labanan sa kanila, gayundin ang mangyayari sa coaches para sa gusto nilang talents sa kanilang team.

Ang coaches na magpapaligsahan din ay sina Billy Crawford, Chito Miranda, Julie Anne San Jose, at Stell ng P-Pop group na SB19.

Kasunod ng pilian ay ang  knock out, sing offs para malaman ang kauna-unahang The Voice Generationschampion sa Asya.