Pops ‘di nagpatumpik-tumpik sa alok ng Viva

I-FLEX
ni Jun Nardo

SINUNGGABAN agad ni Pops Fernandez nang sabihin sa kanya ni Boss Vic del Rosario ang bagong show niya under Viva Studio at TV 5.

Ito ‘yung show ni Pops na For The Love na narrator-host na siya, kakantahin pa niya ang featured OPM love song na tampok sa kuwento.

Sa isang episode na pagbibidahan nina Marco Gallo at Heaven Peralejo, ang kantang Kahit Kailan ang featured OPM song.

Eh sa tanong kung ano na ang nagawa niya for the love? “Naku, marami na! Pero siyempre gusto ko pa ring may makasama na watching movies lang, travel. Sa ngayon? Wala akong lovelife!” deklara ni Pops.

Ang For The Love ay magsisimula sa July 29 at 3:20 p.m. sa TV5.