Beauty hinamon si Ellen manggulo sa shooting nila ni Derek 

I-FLEX
ni Jun Nardo

NATATAWA na lang si Beauty Gonzales dahil ang kapareha niya sa 2023 Filmfest movie na ginagawa ay si Derek Ramsay.

Eh asawa si Derek ng best friend niyang si Ellen Adarna. Kaya naman biniro ni Beauty si Ellen na kapag pumasyal ito sa set eh manggugulo siya.

“Para pag-usapan, itumba niya ang tent at mang-away! Ha! Ha! Ha!” biro ni Beauty nang mag-guest sa kinabibilangan naming Podcast/You Tube channel na Marites University.

Isa ang Derek-Beauty entry na (K)Ampon under Quantum Films sa apat na pumasok na entries ngayong December filmfest. Mula ito sa direksiyon ni King Palisoc.

Base sa tatlo pang entries, malalaking artista ang mga bida gaya nina Marian Rivera at Dingdong Dantes saRewind.

Ang nagpili ng unang apat na entries ay base sa script habang ang apat na entries na sunod na ilalabas ay base sa finished product.