Ilang cast ng Bubble Gang nagsipag-gradweyt na

COOL JOE!
ni Joe Barrameda

MAY bagong timeslot ang longest running gag show na Bubble Gang simula July 9. 

Sa idinaos na preskon, nagulat kami sa bagong cast at marami ang gumradweyt. Maraming beteranong artista ang nawala na after so many years. Hindi naman nag-question ang lead actor na si Michael V. since ito ay umere. 

It was a business decision ng GMA management at tumutugma sa panahon ngayon ng digital age at social media.

Matagal na palang hindi na creative head ng programa si Michael V at kampante na siya sa mga nangangasiwa although puwede pa rin naman siyang magbigay ng inputs. 

Ayon kay Bitoy aka Michael V ay madalas pa rin nilang nakakatrabaho ang mga nagsipag-graduate tuwing naiimbitahang maging panauhin ng Bubble Gang. 

Wala naman akong naririnig na nagso-sourgrape among the graduates Maliban sa isa na punompuno ng sama ng loob. Pero okay naman ang estado niya ngayon sa negosyong pinasukan niya habang lumalabas pa rin siya sa mga teleserye ng GMA.

Kaya abangan natin ang Bubble Gang sa GMA July 9, 6:00 p.m.. Ang huling Biyernes ay sa July 7 at agad eere ng Sunday, July 9.