Eat Bulaga trending sa mga negatibong komento; Cheat Bulaga raw dapat ang ipangalan 

I-FLEX
ni Jun Nardo

TINUTUKAN last Monday ng mga netizen at sawsaweras ang pagbabalik nang live sa GMA ng Eat Bulaga upang malaman ang bagong hosts, segments, at pakulo nito.

Sina Paolo Contis, Betong Sumaya, at Buboy Villar ang tila ginawang poste sa show. Support lang ang magkapatid na Legaspi –Mavy at Cassy; female group na Xoxo, at si Alexa Miro na nail-link kay Rep. Sandro Marcos.

Trending sa Twitter hanggang kahapon ang Eat Bulaga na sinundan ni Paolo then Buboy, at Betong. Mas lamang ang negatibong komento kaysa positibo, huh!

Eh dahil kay Paolo, ang dapat daw title ng show ay Cheat Bulaga! Nagbibigay siya ng pera pero hindi nagsusustento sa mga anak.

Pero para kay Paolo na aware sa negatibong komento, ang pinakaimportanteng komento na natanggap niya ay mula sa lalaking kapatid.

Masasakit kung tutuusin ang mga comment. Pero wala tayong magagawa dahil nagtatrabaho lang naman ang mga host na ito.

Maaga pa ang laban kumbaga kaya hintayin nating mag-blend sila sa isa’t isa para maipakita ang worth nila bilang kapalit ng dating hosts ng Eat Bulaga.

Pero take note, gamit pa rin ng Bulaga ang APT Studio na balita naming may kontrata pa ang TAPE sa nasabing studio.

Wala namang choice ang manonood at netizens kundi panoorin tuwing tanghali ang Eat Bulaga sa Kapuso Network ayaw man nila o hindi ang hosts at segments ng programa, huh.

Hindi nga pala si Louie Ignacio ang director ng show dahil mukhang hindi nagkatuluyan sa negosasyon. Isang araw lang daw ang naging meeting at hindi na siya binalikan.