Pagpapalawig sa amnestiya sa pagbabayad ng estate tax pasado na sa senado

PINASA na ng senado sa third at final reading ang panukalang batas na pagpapalawig sa amnesty sa pagbabayad ng estate tax.

Walang ni isa mang senador ang tumutol o nangangahulugan na 24 na senador ang bumuto pabor sa Senate Bill 2219 ang panukala na pagpapalawig sa amnesty ukol sa  pagbabayad ng estate tax.  

Ang naturang panukala ay naglalayong palawigan pa ang programang estate tax amnesty hanggang Hunyo 14, 2025.

Sa kasalukuyan kasing Amnesty Estate Tax Act ay nakatakdang magtapos ang deadline sa pagbabayad nito ngayong Hunyo 14 ng taong kasalukuyan.

Sa naturang panukala ay pinalalawig din ang sakop nito na sa pagpapalawig na sakupin ang mga nabigong bayaran ang kanilang estate tax na pawang namatay ang may-ari ng lupa bago at noong Mayo 31, 2022.

Nakapaloob din sa naturang panukala na maaring bayaran ng hulugan sa loob ng dalawang taon na walang anumang pananagutang sibil at interest ang pagbabayad ng estate tax.

Matapos na maging isang batas ang naturang panukala ay kailangang agarang gawin ang Implementing Rules and Regulations (IRR) sa loob ng 30 araw.

Sa mga nagnanais na makinabang ng naturang programa ng pamahalaan ay maari nilang gamitin ang pamamaraang electronic at manual sa pagfi-file ng kanilang aplikasyon para sa estate tax amnesty returns at pagbabayad ng buwis sa mga otorisadong banko, revenue district officer sa pamamagitan ng revenue collection officer at authorized tax software provider.  (NIÑO ACLAN)