Joaquin nakumbinseng gumanap na transwoman

I-FLEX
ni Jun Nardo

NAKU, maraming kakabugin ang Sparkle artist na si Joaquin Domagoso na male stars na gumaganap bilang trasnswoman.

Lumabas na transwoman si Joaquin last Saturday sa episode ng Wish Ko Lang titled Babae Ako.

Bihis-babae, may boobs, wig, at pusturang babae si Joaquin. Ang ganda-ganda niya, huh!

Kinumbinse ng manager niyang si Daddie Wowie Roxas si Joaquin na gawin ang role. Umayaw siya noong una dahil baka hindi niya kayanin. Sabi ni Daddie, isipin na lang niya na babae siya kapag sinabihan na siya ng, “action!”

Pasado naman si Joaquin at may lalim din ang pag-arte niya gaya ng ama niyang si Isko Moreno na gumawa na ng ganitong character sa drama na Lovingly Yours, Helen.

Mas mabibigat at nakaiiyak na eksena pa ang gagawin ni Joaquin sa part 2 ng episode niya ngayong Sabado sa Wish Ko Lang.