Kontrobersiyal Salazar nagbitiw na sa DICT

NAGBITIW na sa puwesto si dating Energy Regulatory Commission (ERC) Chairman Jose Vicente Salazar sa Department of Information and Communications Technology (DICT) epektibo nitong Nobyembre.

Inamin ni DITC Secretary Ivan Uy sa kanyang pagharap sa makapangyraihang Commission on Appointments (CA) para sa deliberasyon ng kanyang kompirmasyon bilang kalihim ng DITC.

Ayon kay Uy, sa liham na ipinadala ni Salazar kay Pangulong Ferdinand Maracos, Jr., siya ay nagbibitiw sa kanyang tungkulin upang tutukan ang kalusugan ng kanyang asawa na nangangailangan ng kanyang presensiya.

Magugunitang sumulat kay Pangulong Marcos ang pamilya ng namayapang ERC Director Jose Villa, Jr., noong Agosto upang ikonsidera ang naunang desisyon ni dating Pangulong Rodrigo Duterte na i-bar si Salazar sa public service habang buhay.

Si Salazar ay natanggal sa ERC noong Oktubre 2007 matapos mapatunayang guilty sa 2 bilang ng simple misconduct at isang count ng grave misconduct na may kaugnayan sa kasong korupsiyon.

Sa kabila nito, inaprobahan sa committee level ng Komisyon ang kompirmasyon ng nominasyon ni UY.   (NIÑO ACLAN)