HATAW! D'yaryo ng Bayan hatawtabloid.com
ISANG natatanging pelikulang mapapanood sa mga sinehan simula Disyembre 7 ang magpapakilala sa bagong loveteam na sina Buboy Villar at Bella Thompson sa Ang Kwento ni Makoy (AKNM).
Isang romcom movie ito na pinamahalaan ni HJCP at produksiyon ng Masaya Studio Inc, ayukol sa isang masayahin at mapagmalasakit na nurse (Villar) na mag-aalaga sa isang masungit na Covid patient (Thompson).
Bukod kina Buboy at Bella, bibida rin sa Ang Kwento ni Makoy sina Elan Villafuerte, Jimson Buenagua, Ranz Aganan, Angelita Loresco, Kenneth Mangurit, at Kharyl Shanti Ibnohasim na kilala sa larangan ng Philippine indie films at indie theatrical plays. Kasama rin dito ang mga bagong mukha sa industriya na sina Caroline Perla, Jonna Sibonga, at Prince Euri Feliciano.
Kinunan noong kasagsagan ng pandemya, umiikot ang Ang Kwento ni Makoy sa kakaibang onscreen chemistry nina Bella at Buboy na gaganap si Bella bilang isang self-help writer na magiging positibo sa COVID-19 at aalagaan naman ng karakter ni Buboy na isang mabait at masayahing nurse. Sa kabila ng pagkakaiba ng kanilang mga karakter pagdating sa kani-kanilang pananaw sa buhay, ang karisma ni Buboy ang magbibigay-daan para maging magkaibigan ang dalawa at matutunan ang kahalagahan ng buhay at mga taong malapit sa kanila.
Huwag palampasin ang loveteam debut nina Buboy at Bella sa big screen sa pagbubukas ng Ang Kwento Ni Makoysa mga sinehan nationwide ngayong Disyembre 7.
