Thursday , April 17 2025
Win Gatchalian

National public school database isinusulong

IMINUNGKAHI  ni Senador Win Gatchalian ang paglikha ng isang National Public School Database upang mapalawig ang access ng publiko sa mga record ng mga mag-aaral at mapadali ang proseso ng enrolment.

Sa ilalim ng Senate Bill No. 478 o ang Public School Database Act, lilikha at magpapatakbo ang Department of Education (DepEd) ng National Public School Database kung saan matatagpuan ang mga impormasyong tulad ng grades, personal na datos, good moral record, at improvement tracking.

“Ang National Public School Database ay magsisilbing mekanismo para sa pagbibigay ng napapanahon, akma, at wastong impormasyong makatutulong sa pagpapadali ng mga gawain ng ating mga guro,” ani Gatchalian.

Dagdag niya, ang mga pisikal na dokumento ay madaling masira at mawala dahil sa kawalan ng maayos na lalagyan dahil sa baha, sunog, at iba pang mga kalamidad.

Kung kakalap ang mga record ng mag-aaral sa isang database, mapapanatili ang kanilang impormasyon na makatutulong sa assessment, pagpaplano, at pagtatakda ng operational targets.

Sa ilalim ng panukalang batas, ang mga school administrator ay bibigyan ng access sa National Public School Database kung saan matatagpuan ang mga datos ng mga mag-aaral, kabilang ang mga exam scores, grade levels, attendance, at record ng pagbabakuna.

Ito ay para makatulong sa pagtatala ng biographical data para sa lahat ng mag-aaral at makatulong sa admission at discharge, at sa paglipat ng mga mag-aaral sa ibang paaralan.

Iminumungkahi ni Gatchalian ang Database Information Program para sa pagsasanay ng mga education professionals sa paglikha at pagpapanatili ng National Public School Database.

Magiging mandato sa DepEd na tiyakin ang kaligtasan ng impormasyong nakalagay sa National Public School Database. Sa ilalim ng panukalang batas, ang pag-access at paggamit sa impormasyong matatagpuan sa National Public School Database ay dapat maging alinsunod sa Republic Act No. 10173 o ang Data Privacy Act of 2012.  (NIÑO ACLAN)

About Niño Aclan

Check Also

Sarah Discaya

Walang Katotohanan sa Umano’y Pang-aabuso sa PWD sa Pasig

ISANG residente ng Lungsod ng Pasig na lumahok sa pamamahagi ng bigas—kung saan na-interview ang …

Imelda Aguilar Dalia Varde Khattab

Pambato ng Las Piñas sa 2025 Binibining Pilipinas bumisita kay Mayor Aguilar

MALUGOD na tinanggap ni Mayor Imelda “Mel” Aguilar sa kanyang tanggapan ang 21-anyos Filipino-Egyptian actress …

SV Sam Verzosa Wilson Lee Flores

Sam Verzosa handang makipagharap kay Isko Moreno sa isang matalinong debate

SHOWBIZ KONEKni Maricris Valdez HANDANG-HANDA si Manila Mayoralty candidate Sam Verzosa, sakaling anyayahan siya para sa …

Ortigas Malls

Ortigas Malls engrandeng pagsalubong sa Easter Sunday magaganap

NAGLABAS ng Holy Week mall hours ang Ortigas Malls para sa mallgoers, bilang paggunita sa …

FPJ Panday Bayanihan Partylist, 500,000 Signatures tinanggap mula sa Volunteer Movement

FPJ Panday Bayanihan Partylist, 500,000 Signatures tinanggap mula sa Volunteer Movement

NAKAMIT ng FPJ Panday Bayanihan Partylist ang matatag na suporta mula sa publiko sa pamamagitan …