HATAW! D'yaryo ng Bayan hatawtabloid.com
NAKATAKDANG magsimula ang imbestigasyon ng senado ukol sa lubhang nakaaalarmang kidnapping at ilang mga krimen sa bansa.
Ito ay matapos kompirmahin ni Senador Ronald “Bato” dela Rosa, chairman ng Senate Committee on Public Order na itinakda niya ang pagdinig sa darating na Huwebes, 15 Setyembre, upang pagpaliwanagin ang pamunuan ng Philippine National Police (PNP) ukol sa kanilang datos sa mga napaulat na mga krimen.
Mismong sina Senador JV Ejercito, at Senadora Grace Poe, at Imee Marcos ang humiling ng imbestiagsyon matapos maalaram dahil sa mga natanggap na larawan at mga video ng mga krimen.
Ayon kay Ejercito, mukhang nais subukan ng mga sindikato ang kasalukuyang adminitrasyon kung kanilang kakayaning makalusot at matagumpay na magawa ang masasamang balak.
Tiniyak ni Ejercito, kanyang ihaharap ang mga video at larawang kanyang hawak-hawak na ipinadala ng mga kaibigang negosaynate.
Ani Ejercito, sa kasalukuyan ay ramdam pa niya ang kaligtasan dahil malaya pa nga siyang nakabibiyahe mag-isa sakay ng kanyang motor at bisikleta.
Siniguro ni Dela Rosa, hindi papayagan ng pamahalaan na manumbalik ang kriminalidad sa bansa.
Tiniyak ni Dela Rosa, walang dapat ipangamba ang law enforcement agencies at mga inimbitahan sa pagdinig kung sila ay magiging transparent upang sa ganoon ay malaman ng taongbayan ang katotohanan.
Ayon kay Senador Christopher Lawrence “Bong” Go, mmukhang kulang sa kaunting ngipin at kaunting takot para sa mga kriminal.
Sa kabila nito naniniwala si Go na suportado ni Pangulong Ferdunand Marcos, Jr., ang pulisya hindi nga lang siya katulad ni dating Pangulong Rodrigo Duterte na hayagan kung magpahayag ng utos at suporta sa pulisya laban sa kriminalidad. (NIÑO ACLAN)
