HATAW! D'yaryo ng Bayan hatawtabloid.com
MANILA — Naitala ni National Master Al-Basher “Basty” Buto ng Cainta, Rizal ang importanteng panalo kontra kay Aaron Francis De Asas sa ninth at final round para magkampeon sa katatapos na Angeles City FIDE-Rated Chess Festival (Junior) nitong Linggo, 11 Setyembre 2022 na ginanap sa Marquee Mall sa Angeles City, Pampanga.
Matapos makipag-draw kay National Master Christian Gian Karlo Arca sa fifth round si Buto, tubong Marawi City ay namayani kontra kina Andrew James Toledo sa sixth, Woman National Master Ruelle Canino sa seventh, Allan Gabriel Hilario sa eight bago talunin si De Asas sa last round.
Ito ang kinakailangan ni Buto para makopo ang titulo na may the highest output 8.5 points para maiuwi ang top prize P10,000 plus ang championship trophy.
“I didn’t look the field, just to play my best,” sabi ng Grade 7 Student ng Faith Christian School sa Cainta, Rizal.
“I knew that this was a tough tournament with all the players. I just tried to play my best and now I am really happy,” sabi ng 12-anyos na si Buto, nasa gabay nina Sarah Balce at Ambet Balce ng Faith Christian School.
Ang kampanya ni Buto ay suportado nina Lanao del Sur Governor Mamintal Alonto Adiong, Jr., Cainta, Rizal Mayor Ellen Nieto, MP Atty. Rasol Mitmug, Jr., ng Bangsamoro Autonomous Region in Muslim Mindanao (BARMM) at GPP Muslim Community Greenhills.
Tampok din si Jersey Marticio ng Cabuyao City, Laguna na natalo kay Buto sa fourth round pero nakabalik sa kontensiyon matapos daigin sina Sean Adryl S. Tolentino sa fifth, Lira M. Placer sa sixth, Arca sa seventh, Arena Fide Master Gabriel Ryan Paradero sa eight, at Canino sa final round para masungkit ang solo second place na may 8.0 points tungo sa pag-uwi ng P7,000 plus trophy.
Tumapos si Allan Gabriel Hillario ng third na may 7.0 points para tangapin ang P5,000 plus trophy.
Nagkasya si Arca sa fourth na may 6.5 points para sa P3,000 habang si Canino ay nalagay sa fifth na may 6.0 ponts para sa P2,000.
Punong abala si Angeles City Mayor Carmelo “Pogi” Lazatin, Jr., sa pakikipagtulungan ni Angeles City Sports Officer Maeve Mendiola.
Nitong Sabado, inangkin ni International Master Daniel Quizon ng Dasmariñas City, Cavite ang korona sa Open section na may 8.0 points sa nine outings tungo sa pagkopo ng top prize P20,000 plus trophy. (MB)
