HATAW! D'yaryo ng Bayan hatawtabloid.com
IBA talaga ang karisma ni Joshua Garcia dahil isang international artist ang nakuha ang atensiyon dahil sa kanyang Tiktok video. Ang tinutukoy namin ay si Nicki Minaj.
Sa pag-viral muli ng bagong TikTok video ni Joshua na sumayaw siya ang remix ng kanta nina Nicki Minaj na Super Freaky Girl at uxurious ni Gwen Stefani nahagip iyon ni Nicki.
Ang Tiktok video ay may caption na, “Ito na pauwi na.”
Nakakuha agad iyon ng 21 million views, 3.7 million likes, at mahigit na 67k comments.
At isa sa nag-comment ay ang international rapper, singer, at songwriter na si Nicki Minaj.
Isang emoji na smiling face with heart eyes ang komento ng international singer-songwriter.
Agad namang ni-like ito ng aktor at naka-pin pa sa comment section.
Bago ito’y napansin na siya ng isang Filipino-American singer si Bella Poarch na kalauna’y naging kaibigan na rin ng binata.
