HATAW! D'yaryo ng Bayan hatawtabloid.com
INIIMBESTIGAHAN ng mga awtoridad ang pamamaslang sa apat kataong natagpuang wala nang buhay sa loob ng isang kotse sa Sitio Balagbag, Brgy. San Isidro, sa bayan ng Rodriguez (Montalban), lalawigan ng Rizal, nitong Lunes ng umaga, 22 Agosto.
Ayon sa ulat, dakong 5:00 am nang makita ng ilang mga residente ang kotse, may plakang NGU-1923 sa lugar at may mga duguang katawan ng tao sa loob nito.
Ayon kay P/Lt. Col. Marcelino Pipo, Jr., hepe ng Rodriquez MPS, iniimbestigahan kung baril o matalas na bagay ang ginamit sa brutal na pagpatay at upang matukoy ang pagkakaklinlan ng mga biktima.
Sa pagitan ng 8:00-9:00 am kahapon nang makatanggap ng tawag ang Rodriguez PNP na may isang kotseng may sakay na apat na bangkay sa Sitio Balagbag, Brgy. San Isidro, sa nabanggit na bayan.
Kasabay nito, nagsasagawa na ang Rizal Forensic Group ng malalimang imbestigasyon upang matukoy ang pangalan ng mga biktima at maaresto ang mga suspek sa likod ng pamamaslang. (EDWIN MORENO)
