HATAW! D'yaryo ng Bayan hatawtabloid.com
ISINAGAWA ang groundbreaking ceremony ng Taguig City Science Terminal and Exhibit Center sa loob ng DOST compound, sa General Santos Ave., Bicutan, Taguig, nitong Huwebes, 9 Hunyo.
Pinangunahan ni Senator-elect Alan Peter Cayetano, 1st District Taguig & Pateros representative, ang nasabing seremonya, isa sa proyekto ng Department of Science and Technology (DOST) city government.
Pinuri ni Cayetano ang mga taong nasa likod ng nasabing proyekto.
Ayon kay Cayetano, kung ano itinanim, ito rin ang aanihin.
Kaya ang bagong gusaling itatayo ay mayroong kinalaman sa science, innovation, at technology.
Bilang isang Senador, sinabi ni Cayetano, sa science walang administrasyon at oposisyon. Kung tama ang ginawa ng gobyerno naroon siya para sumuporta. At kung mali naroon pa rin siya para magsabi kung ano ang tamang gagawin.
Samantala, ang layunin ng pagtatayo ng 5-storey building na mayroong basement at roof deck, upang maiorganisa ang transport system sa isang lugar na maaaring mapaunlakan ang mga pasahero, commuters at pedestrians sa loob ng transport facility na maaaring maging komportable at maginhawa.
Higit sa lahat mababawasan ang pagsisikip ng trapiko sa naturang bisinidad sa pamamagitan ng pag-aalis ng pila ng sasakyan sa daanan. (NIÑO ACLAN)
