Ayon sa bagong NSA
RED-TAGGING VS MILITANTE  ‘PANINIRANG-PURI’ — CARLOS

WALANG puwang kay incoming National Security Adviser Clarita Carlos ang red-tagging o pagmarka sa isang tao o organisasyon bilang komunista dahil aniya’y paninirang-puri lang ito at pag-aaksaya ng oras.

Sinabi ni Carlos, ang red-tagging ay isang tamad na pamamaraan para bansagan ang isang tao na walang kasamang paliwanag at hindi nabibigyan ng tsansang ipagtanggol ang sarili lalo sa social media.

“I’m a social scientist, red tagging is labelling people, it’s really a lazy way of ID-ing people. It doesn’t explain anything ‘no, because I have to explain what those words mean so I hope people will stop using labels. ‘Wag na tayo mag-waste ng time sa mga red tagging red tagging na ‘yan because it denigrates people, walang ka-defense, defense lalo sa social media sinisigaw-sigaw mo ‘tas ayon naninira ka na ng tao tapos sasabihin mo mali hindi pala,” ani Carlos sa programang Sa Totoo Lang sa One PH kagabi.

“Let’s not do that as a social scientist i hope red tagging will stop because labels do not explain. Labels are not explanation,” dagdag niya.

Nananatili aniyang major security threat ang insurgency sa Filipinas dahil hindi natutugunan ang ugat ng pag-aalsa ng mga rebelde.

“We have not really rooted it out completely because we are not paying attention to the critical valuables; what are the critical variables; these are the variables that will make things change. Of course we are paying attention to giving them jobs, education, justice, but it is not enough that means what we’re doing is not enough so I say if the local peace councils are a success let us continue doing it,” sabi niya.

“Let’s continue rooting out insurgency because that is a major security threat, increasing inequality in our society which nakita n’yo sa ibang bansa had in fact led to political violence,”  giit niya.

Binigyan diin ni Carlos, ang depinisyon ng national security ay hindi dapat manggaling sa punto de vista lamang ng isang militar dahil ito’y hindi usaping pang-militar lamang.

“I’m sorry we will have to go now to the definition of national security. National security cannot just be defined by a military person because it is not just military.”

Kaugnay sa National Task Force to End Local Communist Armed Conflict (NTF-ELCAC), ipinauubaya ni Carlos sa Kongreso ang magiging kapalaran nito kung magpapatuloy pa.

Matatandaang naging kontrobersiyal ang NTF-ELCAC sa walang habas na red-tagging.

Naniniwala si Carlos, kung may nagawang mabuti ang peace and development councils na nakapaloob sa NTF-ELCAC sa mga probinsiya ay dapat itong ituloy.

“I think it is a legal personality so unless Congress changes its mind it will continue and as far as I know I have not dug up kung ano pa ‘yung ano talagang nagagawa nito, as again to repeat if you have successes if local peace council and paying attention to the insurgents whose need to be paid attention to then continue doing that,” wika niya.