HATAW! D'yaryo ng Bayan hatawtabloid.com
OPISYAL nang nagsumite ng petisyon ang kampo nina Atty. Alex Lopez para sa agarang pagpapalabas ng mga foodpacks at senior citizen allowance ng mga Manilenyo, na inihain sa pamahalaang lungsod ng Maynila at sa Commission on Elections (Comelec).
Nilagdaan ang naturang petisyon nila mayoral bet Atty. Lopez, at Atty. Bimbo Quintos, tumatakbong konsehal sa ikaapat na Distrito ng Maynila.
Hinihiling nina Lopez ang agarang ‘release’ ng foodpacks at senior citizen social amelioration na dapat sana ay noon pang Marso natanggap ng mga Manilenyo at hindi kailangan ipamahagi bago sumapit ang May 9 election ng taong kasalukuyan.
“We condemned the politicization of the release of these food packs and senior allowance. It should not be release days before the election, so as not to influence the decision of the voters,” pahayag ni Atty. Lopez.
Aniya, posibleng makaimpluwensiya ang ganitong estilo sa magiging desisyon ng mga botante.
Isa umanong ‘bulok’ na pamamaraan ng pamomolitika ang ganitong uri ng hakbang para lamang tumatak sa isipan ng mga botante na mayroon silang malasakit, ang totoo inipit nilang ilabas ang mga dapat sana’y noon pa natanggap ng mga Manilenyo.
“The delay of the release shows that the city council and the vice mayor do not have the best interest of the people, but only their selfish interest,” wika ni Lopez.
Sinabi ni Atty. Alex, tahasang ipinakikita ng city council at ng Vice Mayor ng Maynila na hindi mahalaga ang kapakanan ng mga mamamayan, kung hindi ang pangsarili lamang nilang mga hangarin sa buhay.
“This is the reason why Manilenyos are hungry because of the selfish interest of the chosen few of the council. Ibinibinbin nila ang pagpapalabas ng foodpacks at senior citizen social amelioration upang maimpluwensiyahan ang darating na eleksiyon. It should be distributed with timeliness,” dagdag ni Atty. Lopez. (NIÑO ACLAN)
