HATAW! D'yaryo ng Bayan hatawtabloid.com
“WALANG good manners at right conduct (GMRC).”
Tahasasng sinabi ito ni presidential candidate Senator Panfilo “Ping” Lacson kay vice presidential candidate Lito Atienza matapos hilinging magbitiw o umatras na sa pagtakbo upang matiyak na matalo ang tambalang BBM-Sara.
Ayon kay Lacson, walang karapatan si Atienza na hilinging umatras siya sa laban kahit mababa ang kanyang survey at hindi sinuportahan ng kanyang Partido.
Tanong tuloy ni Lacson kay Atienza, “ Sino siya para hilingin ang aking pag-atras?”
Nanindigan si Lacson na hindi siya aatras anumang mangyari dahil ito ay kanyang sinimulan at ito din ay kanyang tatapusin hanggang sa huling sandali ng halalan 2022.
Hindi nangangamba si Lacson sa mga lumalabas na survey o kahit hindi marami ang crowd nila sa kanilang town hall meeting at rally.
Para kay Lacson, ang mahalaga sa kanilang tambalan ni vice presidential candidate Senate President Vicente “Tito” Sotto III ay maiparating nila sa taong bayan ang kanilang plataporma de gobyerno.
Naniniwala si Lacson, kung mayroon mang karapat-dapat na tambalan ay walang iba kundi ang kanila at walang iba pa dahil may malinaw silang programa para mga mamamayan.
Naninidigan si Sotto na solido ang kanilang tambalan ni Sotto at walang ang makakawasak nito.
Inamin ni Sotto, mayroon silang unawaan ni Lacson na kung hindi silang dalawa ang sinususportahan ay walang problema basta sa huli silang dalawa pa rin ang magkasama at hindi sila mag-eendoso ng ibang tandem.
Ani Sotto, tulad ni Lacson, sinimulan nilang magkasama sa laban kaya handa siyang tapusin ito ng ang kanyang kasamang pangulo ay si Lacson at walang iba .
Naniniwala si Sotto, walang makagigiba sa kanilang samahang dalawa, sa paniniwala at paninidigan dahil sila ay nagkakaisa at iisa sa labang ito. (NIÑO ACLAN)
