HATAW! D'yaryo ng Bayan hatawtabloid.com
LUMAGDA sa kasunduan sina mayoralty bet, Atty. Alex Lopez, vice mayoralty aspirant Raymond Bagatsing, at kinatawan ng Manila Muslim Community (Masjid), na naglalayong magkaisa.
Isinagawa ang naturang kasunduan sa Bayleaf, Intramuros, Maynila nitong Huwebes ng hapon, 24 Marso.
Nagkasundo ang mga lider at kinatawan ng Muslim Community ng Maynila na ipagkakaloob ang kanilang buong suporta sa tambalang Alex at Raymond sa darating na 2022 elections para maluklok na bagong mayor at bise alkalde ng lungsod.
Sa naturang kasunduan, nakasaad na nangangako silang magkakaisa upang magdala ng mabuti at eksklusibong pamahalaan para sa kapwa nila Manilenyong Muslim.
Kaalinsabay nito, ang pagpapasuot kay Atty. Alex ng kupya, isang kasuotan sa ulo ng mga Moro na karaniwang isinusuot ng isang Sultan.
Ipinahayag ng mga Manilenyong Muslim, si Atty. Alex Lopez ang susunod na Rajah ng Maynila. (NIÑO ACLAN)
