Solusyon sa gutom at mataas na presyo ng pagkain tampok sa “Byahe ni Kiko”

TATAMPOK sa “Biyahe ni Kiko” ang solusyon sa gutom at mataas na presyo ng pagkain.

Ito ang tahasang sinabi ni vice presidential aspirant Senator Francis “Kiko” Pangilinan.

Ayon kay Pangilinan, ito ay may temang “Hello Pagkain, Goodbye Gutom” upang sa ganoon ay magkaroon ng pag-asa ang mga mamamayan.

Iginiit ni Pangilinan, dapat matiyak na mayroong pagkain sa bawat plato ng bawat mamamayng Filipino.

“Food is an encompassing concern. It can be a hunger and poverty issue, an economic issue, an animal welfare issue, a labor issue, an environmental issue, a farming issue, a health issue, a trade issue,” ani Pangilinan.

Tinukoy ni Pangilinan ang kanyang biyahe ay pagkakataon kaya habang kumakampanya siya sa pagka-bise presidente ay kanyang isusulong ang napakahalagang usapin ng gutom at kahirapan na dapat pinag-uusapan.

Ipinunto ni Pangilinan bilang isang farmer, hindi lamang puro sa kandidato nakatutok ang kampanya kundi sa agenda na matiyak na magkakaroon ng sapat na pagkain ang bawat mamamayang Filipino.

Ang “Biyahe ni Kiko” na mga sasakyan ay lilibot sa sa iba’t ibang lugar sa Filipinas para ipaabot sa bawat mamamayan ang kanyang plataporma de gobyerno ganoon din ang usapin ng pagkain.

Iginiit ni Pangilinan, dapat wakasan ang taggutom sa ating bayan.

“Mag-i-import tayo ng galunggong, hindi natin alam na ‘yung mga aangkatin natin ay balikbayan na mga isda rin, isda ng ating mga karagatan ‘yun, mga dayuhan lang ang nanghuli,” dagdag ni Pangilinan. (NIÑO ACLAN)