CoVid-19 home care kit suportado ni Bong Go

SUPORTADO ni Senador Christopher Lawrence “Bong” Go, Chairman ng Senate Committee on Health ang hakbangin ng Department of Health (DOH) na pagkakaloob ng “Basic Kalinga Kit” para sa mga pasyente ng CoVid-19.

Batay sa pahayag ni Health Secretary Francisco Duque III, inaayos nila ang 35,000 CoVid-19 care kits na maglalaman ng 20 piraso ng masks, isang bote ng sanitizer, sabon, at mga gamot.

Sa naturang programa ng DOH, katuwang nila ang World Health Organization (WHO) at Procter & Gamble Company.

Pinasalamatan ni Go ang inisyatiba ng DOH at pribadong sector dahil malaking bagay ito lalo sa mga tinamaan ng virus kahit may bakuna na.

“Isa lang po ito sa mga hakbang upang mapalakas ang ating CoVid-19 response at hindi bumagsak ang healthcare system. Sa paraan na ito ay marami pa tayong kababayan na matutulungan lalo ‘yung mahihirap,” dagdag ni Go.

Kaugnay nito, nananawagan si Go sa kanyang mga kapwa mamababatas na agarang ipasa ang dalawang panukalang batas na tutugon sa pagsugpo ng infectious diseases.

Ito umano ang Senate Bill No. 2158 na lilikha ng Philippine Center for Disease Control and Prevention (CDC).

“In other countries, centers for disease control have been instrumental in this pandemic. As experts in the field of infectious diseases, they are at the forefront of the health battle against CoVid-19. It is high time for us to have our own CDC. President (Rodrigo) Duterte acknowledges this and has previously urged Congress to pass this important measure,” ani Go. (NIÑO ACLAN)