Duterte, Roque 2022 substitute senatorial bets

HINDI tinotoo ni Pangulong Rodrigo Duterte ang pahayag na magreretiro sa politika pagbaba sa Malacañang sa 2022.

Isinumite kahapon sa Commission on Elections (Comelec) ni Atty. Melchor Jaemond Aranas  ang certificate of candidacy (COC) ni Pangulong Duterte bilang senatorial bet ng Pederalismo ng Dugong Dakilang Samahan party (PDDS).

Pinalitan ni Duterte si Mona Liza Visorde na iniatras ang kanyang senatorial bid sa ilalim  ng PDDS.

Ang political move ni Pangulong Duterte ay taliwas sa sinabi ni Communications Secretary Martin Andanar kamakalawa na babalik sa Comelec ang punong ehekutibo para maghain ng COC bilang vice president.

Habang si Presidential Spokesman Harry Roque ay naghain ng kanyang COC bilang senatorial bet ng People’s Reform Party (PRP) kapalit ni Paolo Mario Sarmiento Martileno na iniatras ang kanyang kandidatura.

Nauna rito’y nabigo si Roque na mapili bilang miyembro ng International Law Commission (ILC).

Itinalaga ni Pangulong Duterte si Cabinet Secretary Karlo Nograles bilang acting presidential spokesman kapalit ni Roque. (ROSE NOVENARIO)