HATAW! D'yaryo ng Bayan hatawtabloid.com
I-FLEX
ni Jun Nardo
KATUWANG ni Marian Rivera ang asawang si Dingdong Dantes para maging matatag at positibo ang buhay para na rin sa kanilang dalawang anak.
“Malaking factor din ‘yung nandiyan ang asawa ko. Kaming dalawa ang nag-uusap at nagtutulungan ngayong nandyan pa ang pandemya.
“Hindi ako puwedeng malugmok. Nag-aaral ang isa kong anak kaya kailangan kong ipaliwanag kung ano ang buhay ngayon.
“Hanggang labas lang kami ng bahay. Kaynting bike sila at pasok na uli sila. Malaking tulong din ‘yung tiwala ko sa Itaas. Hindi niya kami pinababayaan,” saad ni Marian sa virtual mediacon ng GMA series niyang Tadhana.
Sa bahay na ginagawa ni Yan ang hosting niya ng Tadhana. Ang kanyang Glam Team ay tumutulong bilang staff habang si Dong ang director.
“Nakaraos kami ng ilang taon. Sana eh maging maayos na ang lahat para makapag-taping ako sa studio,” sey pa ng GMA Primetime Queen.
Sa Sabado manapanood ang 4th anniversary episodes ng Tadhana at may pasabog na magbibigay sila ng house and lot sa manonood at sa mapipiling kuwento ng OFW.
