Sitcom ni John Lloyd sa GMA uumpisahan na

I-FLEX
ni Jun Nardo

MALALAMAN na bukas, Martes, kung sinong aktor ang magbabalik showbiz base sa announcement na gagawin ng GMA Network.

Eh bago ang big reveal, nagsabi na si Willie Revillame sa isa sa episodes ng kanyang show na tuloy ang paggawa ni John Lloyd Cruz ng sitcom sa GMA. Sinabi pa niyang si Bobot Martiz ang magiging director nito.

Unang lumantad sa TV si Lloydie sa isang TV special na si Willie ang host. Dagdag nga sa balita na si Andrea Torres ang makakasama ni Lloydie sa sitcom.

Pero sa huling announcement ni Willie, tanging si JLC lang ang nabaggit niya sa sitcom.

Tutukan na lang natin ang developments sa announcement ng GMA.