HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
MINSAN nang naikuwento sa amin ni Sylvia Sanchez na magpapahinga muna siya sa paggawa ng teleserye pagkatapos ng Huwag Kang Mangamba. Ang dahilan: masyado siyang napagod kay Barang.
At sa finale mediacon ng Huwag Kang Mangamba nabanggit niya ang kagustuhang magpahinga muna sa showbiz pagkatapos ng Huwag Kang Mangamba na tatlong lingo na lamang mapapanood.
“Okay na. Naka-off na si Barang sa akin,” aniya. ”Magpapahinga ako. Talagang sobrang pahinga ngayon. Grateful ako sa role na Barang, pero nakakapagod siya, sobra,” paliwanag ng magaling na aktres.
“After nito, kinausap ko na si Direk Ruel Bayani), pahinga muna ako,” ulit nito. “Sobrang na-drain talaga ako emotionally, physically kay Barang.”
Sinabi pa ni Sylvia na, ”Sa susunod na teleserye na io-offer sa akin, parang feeling ko, wala na akong maibibigay pa na bago, kasi drained ako rito sa Barang, napagod ako nang sobra. Gusto kong magpahinga kahit six months to one year, para sa susunod na may i-o-offer, may bago naman akong maipakikita,” giit pa ni Sylvia na aminadong dream role niya ang karakter ni Barang.
Binanggit pa ni Sylvia na pagkatapos niyang gawin ang The Greatest Love noong 2016 wala siyang halos pahinga dahil nasundan ito ng La Luna Sangre, Hanggang Saan, at Pamilya Ko. At sumunod din agad ang Huwag Kang Mangamba.
“After niyon, ito na. So, hinga muna. Hinga muna. Relax na muna ako. Maglalagi muna ako sa probinsiya. Iyon ang nasa utak ko ngayon. Rest muna. Para pagbalik ko, may bago kayong makita, at hindi talo ‘yung producer na mag-aalok sa akin ng bagong role.”
Samantala, sa huling tatlong linggo, totodo na sa kahibangan si Eula Valdez. Nanganganib ang misyon nina Mira at Joy (Andrea Brillantes at Francine Diaz) kay Bro dahil sa lumalaking sigalot ng mga nananampalataya at mga nagbubulag-bulagan. Abangan ang laban ng kabutihan at kasamaan sa Huwag Kang mangamba sa Kapamilya Channel, TV5, Kapamilya Online Live, iWantTFC, TFC, at iflix.
