Miss World PH 2021 Tracy Perez 2 beses bumagsak

MATABIL
ni John Fontanilla

MUKHANG taon ngayon ng mga Cebuana sa National Beauty Pageant dahil dalawang kapwa taga-Cebu ang nagwagi sa katatapos na Miss Universe Philippines at Miss World Philippines.

Nauna nang kinoronahan si Beatrice Luigi Gomez bilang Miss Universe Philippines 2021 at last October 3, kinoronahan naman si Tracy Maureen Perez bilang Miss World Philippines 2021. Kapwa sila taga-Cebu

Si Tracy ay dalawang beses bumagsak. Ang una ay bago ang announcement ng winners at sumunod ay nang makoronahan siya bilang Miss World PH 2021.

Sinasabing posibleng dahil sa sobrang tagal ng coronation night na umabot ng anim na oras kaya bumagsak na ito sanhi ng gutom at pagod.

Ilan pa sa mga nagwagi sa Miss World Philippines 2021 sina Dindi Pajares bilang Miss Supranational Philippines 2021; Kathleen Paton bilang Miss Eco Philippines 2021, Emmanuelle Vera bilang Reina Hispanoamericana Filipinas 2021; Trisha Martinez bilang Miss Tourism Philippines 2021; Michelle Arceo bilang Miss Environment Philippines 2021; Shaila Rebortera bilang Miss Multinational Philippines 2021; Tatyana Alexi Austria Miss Eco Teen Philippines 2021; at sina Riana Agatha Pangindian at Ganiel Krishnan bilang First at Second Princess.