Sunday , May 26 2024

Catriona, puwedeng isabak sa pelikula at itambal kay Daniel

TIYAK iyon, kahit na isang taon pa bago maharap ni Miss Universe Catriona Gray ang showbusiness kung sakali, marami na ang mag-aabang at kukumbinsi sa kanya na pasukin ang industriya. Palagay namin kung papasukin niya ang pagiging artista, puwede dahil napakalakas ng kanyang following. Sa nakita naming ginawang pagsubaybay sa kanya ng mga tao kahit na sa social media bago pa man siya nanalo, at lalo na noong matapos manalo, parang mas malakas ang dating niya kaysa naging Miss Universe ring si Pia Wurtzbach.

Isa pa, nag-aral pala ng theater arts si Catriona, bukod sa kanyang pag-aaral din ng music, kaya nga bukod sa nakakakanta, nagko-compose pa rin siya ng mga awitin.

Isa pa, lahat ng mga Pinay na naging Miss Universe ay naging artista rin. Si Gloria Diaz ay nakagawa ng isang napakalaking hit sa una niyang pelikula, iyong  Pinaka­magandang Hayop sa Balat ng Lupa, na kung ilang buwang ipinalabas sa mga sinehan noon. Ang pelikulang iyon ang nagsimula rin noong nausong “wet look”.

Naging leading lady ni Victor Laurel ang Miss Universe na si Margie Moran, at title role siya rion sa Oh Margie Oh, na naging hit din naman.

Iyong si Pia, rati nang artista iyan eh at nakasama sa hit movie ni Vice Ganda.

Iyang si Catriona, palagay namin puwedeng isabak iyan sa isang love story. Kung iyan ay maitatambal lamang sa isang kagaya ni Daniel Padilla, palagay namin tatabo rin iyan sa takilya.

Iyong boyfriend ni Catriona, si Clint Bondad ay nag-aartista rin, pero baka hindi madala ang pelikula kung silang dalawa ang bida. Kailangan itambal muna si Catriona sa isang established actor, at sino pa nga ba ang malakas na siguradong hit kundi si Daniel.

HATAWAN!
ni Ed de Leon

About Ed de Leon

Check Also

Aktor ginamit ang power para mawalan ng trabaho kapwa aktor    

COOL JOE!ni Joe Barrameda I feel sorry para sa aming kaibigan na nawalan ng trabaho …

mWell MVP Martin Nievera Regine Velasquez Ogie Alcasid

Martin, Ogie, Regine nakiisa sa unboxing ng newgen watch at precious ring ng mWell

PUSH NA’YANni Ambet Nabus BONGGANG-BONGGA ang ginanap na ‘unboxing’ ceremony ng mWell, ang health app ng Metro …

Regine Tolentino iSkin Aesthetic Lifestyle Kate Pagkalinawan

Regine no-no muna sa movie & tv projects

I-FLEXni Jun Nardo TUTOK sa kanyang negosyo at pagsasayaw si Regine Tolentino kaya hindi muna siya tumatanggap …

Marian Rivera pasa Balota

Marian puro pasa, bugbog sarado sa ginagawang pelikula

I-FLEXni Jun Nardo BUGBOG na katawan at mga pasa sa braso at binti ang natikman …

blind item

Gay photog naunahan kay male starlet ni discreet gay

ni Ed de Leon HINAYANG na hinayang ang isang gay photographer dahil matagal daw na panahon na …

Leave a Reply

Your email address will not be published. Required fields are marked *