HATAW! D'yaryo ng Bayan hatawtabloid.com
ALAM MO NA!
ni Nonie Nicasio
ANG Heto Na Naman ang follow-up single ng hit song ni Christie Fider titled Teka, Teka, Teka. Sa October 22 ang release nito at magiging available sa Spotify, Apple Music, at Deezer.
Ayon sa talented na singer/actress, ang latest single niya ay malaki ang kaibahan sa nauna niyang pinasikat na kanta.
Kuwento ni Christi, “Actually, katatapos lang po namin mag-record ng latest single ko, ang title nito ay Heto Na Naman. Very malayo siya from Teka, Teka, Teka, kasi iyong Teka… ay masyado siyang happy. Eto naman ay medyo hugot tayo and of course, si Direk Joven din ang nagsulat nito.
“Ang Heto Na Naman is about taking a chance sa love. Na kahit paulit-ulit tayong nasasaktan ay pinipili pa rin natin ang magmahal ulit. ‘Yung song is very different from other love songs.”
Sa kanyang song na Teka, Teka, Teka, may line na tiis-tiis muna, sa ngayon kanino niya iyon gustong sabihin?
Esplika ng dalaga, “Siguro to everyone na nasa bahay, kasi siyempre one year higit na tayong nasa pandemic, kaya magtiis-tiis muna tayo, dahil siyempre ay matatapos din naman po ito. So, kailangan talaga nating magtiis muna, para at least ay matapos na itong pandemic.
“Pero siyempre ay nami-miss ko na rin ang lumabas. Ang tagal ko na rin kasing hindi lumalabas, ang tagal ko na rin hindi nami-meet ang mga friends ko.”
May gagawin ba siyang music video ng Heto Na Naman?
Tugon niya, “Yes po, lahat po iyon ay nakaplano na. Pero kasi, ngayon ay naghihintay lang kami na medyo lumuwag iyong protocol, para at least ay makapag-shoot kami nang mas maayos at mas maganda.”
Sino ang type niyang maging leading man sa kanyang music video? “Siguro… si Joshua Garcia, kasi sobrang pangarap ko talaga siyang maka-work, kasi ay napakagaling niyang actor. Na-meet ko na siya once and sobrang bait niyang tao. So iyon, sana ay maka-work ko po siya,” nakangiting saad pa ni Christi.
