HATAW! D'yaryo ng Bayan hatawtabloid.com
HARD TALK!
ni Pilar Mateo
NAGBUNGA na nga ang pagtuturo sa kanya ng anak na si Luis Manzano at manugang na si Jessy Mendiola sa sisimulang vlog ng Star For All Seasons at Congresswoman na si Vilma Santos sa tanghali ng September 26, 2021.
“Hehe ! Excited !! Promote mo ha, para marami mag-subscribe at mag- share at likes. Ang initial salvo sa Sept 26 ! 12 noon !! Excited lang !!!”
Ito ang ibinunga ng pandemya sa pamilya ni Ate Vi. Ang pagsasama-sama nila sa tahanan niya. Sa bonding na napuno ng katuwaan.
“Everyday is a learning process. Alam ko na tama ‘yung paniwala ko to create a foundation sa buhay na ito. Fast-paced na ang buhay natin. Walang masama roon. Pero ang foundation mo ang magpapatibay sa ‘yo.”
Nag-share rin si Ate Vi, nang makausap siya ng hosts ng Over A Glass Or Two sa masaya nilang bonding nina Luis.
“Bagong excitement itong in-introduce nila sa akin. Mga TV freak kami. Mahilig sa exercise. I love to travel. ‘Yan nga nami-miss namin. I love Italy. I miss New York.”
Abangan na! Kung natawa tayo sa mga pinaggagawa nila ng anak na si Luis sa vlog nito, iibahin naman ni Ate Vi ang content ng sa kanya.
Lahat na yata ng mga artista ay gumagawa na ng sarili nilang shows in their vlogs, ha! Ano kaya ang ibabahagi o ipakikita sa atin ng Star for All Seasons na hindi pa natin alam sa kanya?
