Cellphones at headsets para sa 10 estudyante (Pa-birthday ni P/BGen. Baccay)

NAGHANDOG para sa kanyang kaarawan si Eastern Police District (EPD) Director P/BGen. Matthew Baccay ng 10 Huawei T-10 tablets at 10 Sony headsets para sa 10 mahihirap na estudyante sa lungsod ng Pasig, nitong Martes, 21 Setyembre.

Imbes maghanda, pinili ni Baccay na mag-donate sa Brigada Eskuwela at Adopt-A-School program na bahagi ng kanyang programa mula nang manungkulan bilang District Director.

Ginanap ang seremonya sa Nagpayong High School, sa Brgy. Pinagbuhatan, sa nabanggit na lungsod kahapon.

Umani ng pasasalamat ang opisyal mula sa mga magulang ng mga mag-aaral dahil sila ang napiling benepisaryo ng EPD.

Anila, malaking tulong ang natanggap nilang mga gadget lalo sa kanilang online learning.

Nagpaabot ng pagbati ang mga mag-aaral sa kaarawan ni P/BGen. Baccay na malugod niyang tinanggap.

Sa mensahe ni DD Baccay, hinikayat niya ang bawat mag-aaral na gamitin nang maayos ang natanggap na gadget at pagbutihin ang kanilang pag-aaral upang makatulong sa pamilya. (EDWIN MORENO)