Pagnanasa ni Paolo kay LJ tiyak babalik

KITANG-KITA KO
ni Danny Vibas

MAY panahon kayang naging magkabarkada off-camera sina Gerald Anderson at Paolo Contis na parehong Tisoy? At parang pareho lang din sila na iiwan ang babae ‘pag sawa na. 

Pero parang mas grabe si Paolo dahil ang dami naman pala n’yang ulit na pinagtaksilan si LJ Reyes sa anim na taon nilang pagsasama. Habit na talaga n’ya ang maging unfaithful. 

O posible pa ngang ‘di iniisip ni Paolo na unfaithful siya tuwing nakikipaglampungan sa ibang babae. Ang feeling lang n’ya ay ang guwapo n’ya kaya madaling mahibang sa kanya ang ilang mga babae na wala rin naman sigurong panahon sa matibay na relasyon. 

Pero ‘di kaya bumalik ang paghanga at pagnanasa ni Paolo kay LJ ‘pag nakita n’ya ang pictorial nito sa New York? 

Parang napaka-uncomplicated ng ganda at alindog ni LJ sa pictorial na ‘yon. Parang ni wala siyang make-up. Simple lang ang kasuotan n’yang black pants and black blouse pero lutang na lutang ang ganda at alindog n’ya. 

Baka hindi kaya ng ibang mga artistang babae na nagpapa-pictorial sa ibang bansa na palutangin ang ganda nila sa isang black and white pictorial na iisa lang ang outfit. Kailangan nila ng makapal na make-up at ilang maleta ng pinakamakukulay na outfits na may mga komplikadong disenyo para magmukha silang maganda at interesting. 

Siguradong isang araw ay talagang pagsisisihan ni Paolo ang pang-iiwan nya kay LJ!