Julia aminadong ‘di kayang tapatan ang galing ni Claudine

SHOWBIZ KONEK
ni Maricris Valdez Nicasio

NAPURI ang galing ni Julia Barretto sa seryeng handog ng Viva, Sari-Sari, at TV5, ang Di Na Muli na kasama sina Marco Gumabao at Marco Gallo na mapapanood na simula September 18. Pero inamin nitong hindi niya kayang tapatan ang galing ng kanyang tita, si Claudine.

Sa virtual mediacon natanong si Julia kung alin ba sa kanyang estilo ng pag-arte ang nakuha kay Claudine.

Anito, ”Naku, nakuha? Naku siguro, wala. Kasi nag-iisa lang siya, eh.

“Napakahusay niya and growing up, you know, I’ve been always vocal about it, I have always been a fan of her and of her works and of her projects and I really look up to her growing up as an actress.

“Pero again, siguro, when it comes to our craft, iba, we’re different because again, iba siya. Iba talaga siya umarte. Iba talaga siya,” giit pa ng aktres.

Sinabi pa ni Julia na ginagawa niya ang lahat para maging mahusay na aktres din.

“I try my best every day, every time I’m given the opportunity, and I always try to be at my best and perform and deliver and I just want to make everybody around me proud and everybody who trusts me with a project proud and I think that’s always been the goal- to help breathe life into the character that I’m given,” sambit nito.

Kasama rin nina Julia, Gumabao, at Gallo sina Angelu de Leon at Bobby Andrews. Kasama rin sina Baron Geisler, Nicole Omillo, Krisha Viaje, Andre Ylanna, at Katya Santos.

Ginagam­panan ni Julia sa romance drama si Yanna Aguinaldo, isang babaeng may abilidad na makita ang life span ng isang tao kapag hinahawakan niya ang kamay ng mga ito.

Ang Di Na Muli ang unang proyekto ni Julia sa Viva matapos umalis sa Kapamilya Network.