HATAW! D'yaryo ng Bayan hatawtabloid.com
NAILIGTAS ng mga nagrespondeng awtoridad ang tatlong magkakapamilyang trabahador sa isang quarry site nang magkaroon ng landslide sa Brgy. San Jose, bayan ng Getafe, lalawigan ng Bohol, nitong Lunes, 30 Agosto.
Kinilala ang mga biktimang sina Franco Torremocha, 46 anyos; kinakasamang si Elizabeth Cuajao, 32 anyos; at kanilang anak na limang taong gulang.
Ayon kay P/Cpl. Rowel Botero, imbestigador ng Getafe MPS, nabatid na ang mag-asawa, kasama ang kanilang batang anak, ay nagtitipon ng limestone sa lugar nang biglang gumuho ang lupa dakong 2:50 pm, kamakalawa.
Dinala ang tatlong biktima sa President Carlos P. Garcia Memorial Hospital sa bayan ng Talibon para lapatan ng lunas ang mga sugat na nakuha sa pagguho ng lupa.
