HATAW! D'yaryo ng Bayan hatawtabloid.com
DINAKIP ang isang delivery man at kasabwat na construction worker na nagsilbing ‘lookout’ habang pinagsasamantalahan ng una ang 20-anyos dalagang vendor sa Brgy. Central, Quezon City, nitong Sabado ng madaling araw.
Ang mga suspek ay kinilalang sina John Michael Del Rosario, 30 anyoss, walang asawa, delivery man, at residente sa No. 1 BFD Compound, Brgy. Central, Quezon City, at kasabwat na si Vinirando Sajor, alyas Tata, 35 anyos, walang asawa, construction worker, at naninirahan sa No. 107 Everlasting St., Brgy. Central, Quezon City.
Sa report ng Kamuning Police Station 10 ng Quezon City Police District (QCPD), bandang 12:31 am nitong 28 Agosto, nang maganap ang insidente sa ikalawang palapag ng tahanan ni Sajor sa Brgy, Central, sa nasabing lungsod.
Batay sa imbestigasyon ni P/Cpl. Anna Marie Tuliao ng Women and Children Protection Desk ng Quezon City Police District Kamuning Police Station (QCPD PS10), natutulog ang biktimang itinago sa pangalang Nene nang magising dahil sa paghaplos ni Del Rosario sa maseselang bahagi ng kaniyang katawan.
Nang magising ang biktima ay puwersahang hinubaran ito ng damit pang-itaas ng suspek saka pinaghahalikan habang nilalamas ang dibdib nito.
Sa takot ay naitulak ng vendor si Del Rosario at tumakbo pababa ng bahay at laking gulat niya nang makita si Sajor sa ilalim ng hagdan na umano’y tila sinisilip at nakabantay sa ginawang panghahalay sa kaniya ng delivery man.
Agad na nagtungo sa himpilan ng pulisya ang vendor at inireklamo ang mga suspek na agad namang naaresto.
Inihahanda na ang kasong paglabag sa RA 8353 (Rape) laban sa suspek at sa kasabwat nito. (ALMAR DANGUILAN)
