Monday , April 15 2024
No Contact Apprehension Program, NCAP, Quezon City, QC, Traffic

Pasaway na drivers sa QC bilang na ang araw n’yo

BULABUGIN
ni Jerry Yap

BILANG na ang araw ng mga pasaway at palusot na driver na dumaraan sa Quezon City araw-araw dahil ilulunsad na rin ng lokal na gobyerno sa pamumuno ni Mayor Joy Belmonte ang “No Contact Apprehension Program” o NCAP.

Ang NCAP ay isang traffic management system na ang pasaway na driver/s ay huhulihin sa pamamagitan ng mga nakatalagang camera 24/7 sa mga lansangan.

Tiyak ang road safety ng mamamayan sa NCAP. Napaka-importanteng tandaan sa pagbiyahe sa lansangan, buhay ng mamamayan ang nakasalalay. Mapa-pribado o pampublikong sasakyan, malinaw ang batas tungkol sa responsibilidad ng isang driver na dapat sumunod sa mga batas at regulasyong pangtrapiko para maiwasan ang aksidente.

Napapanahon din ang implementasyon ng NCAP lalo ngayong pandemya dahil wala nang face-to-face interaction sa mga enforcer at hinuhuling driver. Wala na rin kotongan, ‘ika nga.

Pantay-pantay ang implementasyon ng batas-trapiko sa NCAP, walang mahirap o mayaman, basta’t nahuli ka ng camera na nag-beating the red light o kumanan habang naka-stoplight sa hindi dapat, makukunan ng kamera ang plaka ng sasakyan. Padadalhan ng NOV ang rehistradong may-ari ng sasakyan. Kaya paalala, kung naibenta mo na ang iyong sasakyan, aba’y asikasohin mo ang transfer n’yan para hindi ka magkaproblema.

Saludo kami kay Mayor Joy dahil naisipan na niyang ilunsad ang programang ito sa kabila ng mga palusot na kumokontra. Maraming gustong magmaneho sa kalsada pero ayaw akuin ang responsibilidad na dapat ay tangan ng isang nagmamaneho.

Hangad namin na maging matagumpay ang proyektong ito gaya sa ibang lungsod na talagang makikitang sumusunod ang mga driver kahit walang traffic enforcer. Ganyan nga ang napapansin ngayon sa mga siyudad na gumagamit ng NCAP, talaga namang bihira na ang humininto sa yellow box kapag stoplight. Ganyan ang disiplinadong driver, ‘di ba?

‘Yan ang kailangan ng ating bansa. Kaya mabuhay ang QC sa programang ito.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Marilag Festival Sta Maria Laguna

Mula 11-14 Abril 2024
IKA-11 MARILAG FESTIVAL SA STA. MARIA, LAGUNA   INAASAHANG DARAYUHIN

TAMPOK ang iba’t ibang produktong agrikultural at iba pang by-products, sa pagdiriwang ng mga taga-Sta. …

Sipat Mat Vicencio

Mayor Abby Binay pasok sa ‘Magic 12’ ng Pulse Asia, hahaha…

SIPATni Mat Vicencio SINO ba naman ang maniniwala sa ginawang survey ng Pulse Asia kamakailan …

Krystall herbal products

PT bilib sa panggagamot ng lolang hilot katuwang ang Krystall herbal products

Back to BasicNATURE’S HEALINGni Fely Guy Ong Dear Sis Fely Guy Ong,                Ako po …

DANIEL FERNANDO Bulacan

National wealth tax para sa likas na tubig
MOTION FOR RECONSIDERATION INIHAIN SA SC NG BULACAN GOV

NAGHAIN ng Motion for Reconsideration si Bulacan Gov. Daniel Fernando sa Korte Suprema sa naging …

permit money BIR

Taxpayers hinikayat maghain ng ITR bago 15 Abril deadline

HINIMOK ni Senador Win Gatchalian ang mga taxpayer na maghain ng kanilang income tax returns …