Saturday , April 19 2025

QCPD director ‘natameme’ sa pekeng swat? (Reklamo dahil sa karahasan at loose firearms)

091421 Hataw Frontpage

HATAW News Team

INIREKLAMO sa tanggapan ni Philippine National Police (PNP) Chief Guillermo Eleazar ang kawalan ng aksiyon ni Quezon City Police District (QCPD) director, P/BGen. Antonio Yarra sa loob ng mahigit apat na araw na sapilitang pagpasok at pag-okupa ng mga armadong kalalakihang nagpanggap na SWAT sa isang pribadong lote sa New Manila, Quezon City.

Sa panayam kay Atty. Levito Baligod, manugang ng may-ari ng pitong ektaryang lupa na pag-aari ni Marlina Veloso Galenzoga, binigyang diin nito na hanggang sa kasalukuyan ay nagtataka sila sa kawalan ng aksiyon at pag-iwas umano ni Yarra na harapin man lang sila, sa kabila ng kanilang pagsusumikap na makipag-ugnayan dito noong 11 Setyembre 2021.

“Nagtataka po ako sa QCPD, hindi man lang kami hinarap at inaksiyonan, masyadong malamig po ang pakikitungo nila sa amin. Nagtungo ako sa Camp Karingal matapos magpaabot ng pakikipag-ugnayan sa kaniya, subalit narinig ko via handheld radio na ang instruction n’ya ay papuntahin na lang daw kami sa Station 11 sa Galas,” pahayag ni Atty. Baligod.

Batay sa impormasyong nakalap, naunang nagpanggap na mga pulis na may hinahabol na kriminal ang mga nakasuot ng uniporme ng SWAT nang makipag usap sa mga guwardiya ng Black Knight Security Agency. Dahil nakiusap, pinahintulutang makapasok ang dalawa sa mga kalalakihan. Ngunit puwersahang pinasok ng tinatayang 70 kataong pawang mga armado ang pribadong lote.

“Puwersahang kinuha ang mga personal na gamit, wallet, mobile phone, handheld radio, at service firearms ng aming mga nakatalagang guwardiya. Pinagbantaan silang babarilin at ang iba sa kanila ay inapakan pa sa mukha,” dagdag ni Atty. Baligod. 

Dahil dito, inilapit ng mga biktima ang hinaing sa puwersahang pagkubkob sa kanilang lupain ng mga armadong kalalakihan sa tanggapan ni Quezon City Mayor Joy Belmonte na mabilis namang umaksiyon.

Sa inisyal na resulta ng atas ni Belmonte sa Criminal Investigation and Detection Group (CIDG), PNP-Supervisory Office for Security and Investigation Agencies (PNP-SOSIA), at QC Legal Office, nadiskubre na aabot sa 28 ginamit na baril ay loose firearms na posibleng maging batayan para sa warrantless arrest sa ilalim ng Republic Act 8294.

Kasabay nito, nanawagan si Atty. Baligod kay Eleazar na aksiyonan ang pangyayari sapagkat naniniwala silang nagamit ang pulisya sa paggawa ng krimen.

Ayon kay Baligod, “Nakikita natin ang pag-aksiyon ni Chief PNP sa mga reklamo ng sambayanan. Naniniwala kami na tapat ang kaniyang hangarin na magpatupad ng ‘internal cleansing’ sa hanay ng pulisya.

“Hindi ordinaryong krimen ang nangyari, armado, may karahasan at ang importanteng aksiyonan n’ya ay mga pulis ang involve. Pinasok nila ang property namin, naka-uniporme ng SWAT at walang nameplate,” pagtatapos ni Baligod.

About hataw tabloid

Check Also

Ngayong Semana Santa
TRABAHO Partylist, kaisa ng mga manggagawa Giit, karampatang holiday pay at benepisyo

SA GITNA ng paggunita ng sambayanang Filipino sa Semana Santa, ipinahayag ng TRABAHO Partylist ang …

Nora Aunor

Nora Aunor pumanaw na sa edad 71

PUMANAW na ngayong araw ang National Artist for Film and Broadcast Arts, Superstar Nora Aunor. Siya ay 71 …

Philanthropist Cecille Bravo binigyan ng laptop dalagang may Chronic Kidney Diseased

Philanthropist Cecille Bravo binigyan ng laptop dalagang may Chronic Kidney Diseased

MATABILni John Fontanilla HINDI naiwasang maiyak ng Phililanthropist and Businesswoman na si Ms Cecille Bravo nang ibigay ang …

ER Ejercito Comelec

Overspending case ni dating Laguna Gob ER Ejercito ibinasura na ng Comelec En Banc

DINISMIS na sa wakas matapos ang 12 taon ng Commission on Elections (COMELEC) En Banc ang kasong …

Sarah Discaya

Kampo ni Sarah Discaya, Mariing Itinanggi ang Anumang Paglabag sa Batas Kaugnay ng Isyu sa British Passport

MAYNILA — Nilinaw ng legal counsel ni Pasig City mayoral candidate Sarah Discaya na wala …

Leave a Reply

Your email address will not be published. Required fields are marked *