Derek excited na matuloy ang dinner date nila ni Bea

MA at PA
ni Rommel Placente

NATAWA si Derek Ramsay nangmatanong ng Pep.ph  sa pagkaka-link nila ni Bea Alonzo noon, na umano’y nagpakasal pa sila ng lihim.

Nagtataka ang aktor kung saan nagmula ang isyung iyon.

Sabi ni Derek, “Hindi ko nga alam kung saan galing ‘yun, lahat na lang yata ginagawan ng issue. Nabuntis ko si Pops (Fernandez). Lahat ng paninira ginawa sa akin, pero tahimik lang tayo.

“One of them is pinakasalan ko si Bea. Hindi ko alam kung saan nanggaling ‘yun. Kasi last time na nakita ko si Bea was sa after-party yata namin doon sa ‘Kasal.’’Yun ang issue, pinakasalan ko si Bea.”

Ang Kasal ay ang pelikulang ginawa nina Derek at Bea noong 2018. Nakasama nila rito si Paulo Avelino. 

Sa ngayon ay pareho nang masaya ang dalawa sa kanila-kanilang karelasyon. Si Bea, sa piling ni Dominic Roque at si Derek naman ay ikakasal ngayong taon sa fiancée niyang si Ellen Adarna. 

Noong gawin nina Bea at Derek ang Kasal ay naging magkaibigan sila. After niyon ay tuloy-tuloy pa rin ang communication nila. In fact, nagplano nga silang mag-dinner para muling magkita. Pero hindi ito matuloy-tuloy. 

“May dinner na matagal na naming pinaplano. Noong nag-uusap pa kami wala pa siyang boyfriend.

“Ayun, excited ako. Well, na-meet ko na si Dom (Dominic Roque). Nakatrabaho ko na ‘yan way back. Baguhan pa lang ako, kasabayan ko na si Dom.

“I’m looking forward to meeting Bea and Dom. Sana matuloy ‘yung dinner na pinaplano namin na sobrang tagal na.”