Madam Inutz pumirma na ng kontrata kay Wilbert Tolentino

PUMIRMA si Madam Inutz (Daisy Lopez) ng kontrata kay Wilbert Tolentino, former Mr. Gay World titlist, businessman, social media influencer at philanthropist noong Huwebes (Agosto 19) ng gabi.

Dalawang taong ima-manage si Madam Inutz ni Wilbert.

Ang kontrata ay isinulat sa Filipino para lubos na maintindihan ni Daisy ang nilalaman kasabay na rin ng pagdiriwang ng Linggo ng Wika.

Sa contract signing, kasama nila si Atty. Berteni Causing.

Walang kukuning komisyon sa lahat ng kikitain ni Madam Inutz si Wilbert pero ieendoso nito ang mga negosyo ng huli. Ang dating ginawa niya noon na pag-aalaga at treatment sa dati niyang mina-manage na si Mader Sitang ay siya ring gagawin niya kay Madam Inutz.

Inilatag na rin ni Wilbert ang plano niya kay Madam Inutz, gaya ng single, ang Inutil na komposisyon ni Ryan Soto. Bubuo sila ng album ng nasabing viral online seller.

Gagawing din siyang ambassador ng mga online seller.Tutulungan nila ang mga gustong maging online seller at kung paano ito magkaroon ng brand at owner.

Tumawag lang sa 09175inutil. Puwede rin silang mag-email at mag-message sa [email protected]. Look for Wilbert Tolentino. (Joe Cesar)