Friday , April 19 2024
Madam Inutz, Daisy Lopez, Wilbert Tolentino

Madam Inutz recording artist na

SHOWBIZ KONEK
ni Maricris Valdez Nicasio

NATUPAD na ang matagal ng pangarap ni Madam Inutz o ni Daisy Lopez, ang maging recording artist. Isinakatuparan na kasi ni Wilbert Tolentino na makapag-record ang social media sensation at ito ay sa pamamgitan ng debut single na Inutil.

Nagsilbing tulay ang businessman at philanthropist na si Wilbert sa mga pangarap ni Madam Inutz na sumikat dahil sa kanyang pag-uukay-ukay.

Sa totoo lang, bilib si Wilbert o Kuya Wil sa talent ng ni Madam Inutz.

“Mayroon siyang unique na raspy voice. Bagay sa kanya ang mga novelty, rap, hiphop, rock, lalong-lalo ang mga Tunog Kalye. Bagay sa kanya ang mga estilo nina Sampaguita, Aegis, o Up Dharma Down.

“Mabilis niyang natututunan ang mga melody ng kanta at kaya niyang baguhin ang atake ayon sa kanyang style. Sobrang professional at walang reklamo sa oras, kahit inabot ng madaling araw sa pag-shoot ng music video,” kuwento ni Kuya Wil.

Paglalarawan ni Wilbert sa single, ”Introduction iyon ng buhay niya bilang isang Madam Inutz. Kung sino ba siya at paano siya nagsimula.

“At kaya single ang ginawa naming ay dahil pasok sa pagkatao niya at sa kanyang boses .Higit sa lahat, pangmasa. Madali rin itong sayawin, madaling kantahin plus, mahalaga na catchy talaga ang song.”

Sinabi naman ni Madam Inutz na ilang araw niyang inalagaan ang kanyang boses bago ang recording.

“Ilang araw din akong hindi uminom ng malamig na tubig at binawasan ang pagsigaw sa online selling para makondisyon ang boses ko. Dahil ang kanta ay may kaunting pagsigaw at kailangan ng energy.

“Pinag-aralan ko rin muna ang tema ng lyrics. Sinuri kong mabuti bawat linya, kung sa tingin ko’y aangkop sa aking pagkatao. Tapos, pinakinggan ko ang melody sa demo nang paulit-ulit. Hanggang sa makabisado ko.”

Dagdag pa ni Madam Inutz, ”Hindi ako nahirapan sa kanta dahil sa umpisa pa lang, naisaulo ko na ito.Umabot lang kami ng mahigit dalawang oras sa recording.”

Malaki naman ang pasasalamat ni Madam Inutz kay Wilbert dahil sa tulong nito sa kanya. ”Laking pasasalamat ko sa pagkakataong ibinigay sa akin na magkaroon ng debut single sa edad kong ito, hahahaha! Sa dinami-dami ng mga mas bata sa akin na nangangarap maging isang recording artist at may sariling music video, ako pa ang napili ng Tadhana. Sa tulong ito ng aking one and only manager na si Sir Wilbert.”

Si Ryan Soto ang nag-compose ng kanta at tiniyak niya kung anong genre ang babagay sa boses ni Madam Inutz.

Aniya, nakilala si Madam Inutz sa kanyang mga famous catchphrases sa  pag-o-online selling tulad ng salitang inutil, gunggong, oh jiieva at marami pang iba. Kaya naisip ni Ryan na gamitin ang salitang inutil para ito ang maging introduction song ni Madam Inutz bilang pagpapakilala sa sarili as a recording artist.

Mapakikinggan na ang kantang Inutil sa Spotify, Apple Music, Amazon Music, Deezer, Tidal, Vevo, Tiktok, Youtube Music, Beatport, Instagram, Snapchat, Twitch, Shazam, iTunes, Facebook, at  iTunesRadio.

About Maricris Valdez Nicasio

Check Also

Puregold GRFSB

Puregold may pasilip sa isang “panalo collab” katambal ang pinakamalaking music artists

MALAKAS ang bulong-bulungan na magkakaroon ng kolaborasyon ang Puregold sa pinakamalalaking  pangalan sa lokal na industriya ng musika. Totoo …

Ysabelle Palabrica

Newbie singer na si Ysabelle gustong maka-collab si Belle

MATABILni John Fontanilla IDOLO ng promising artist at alaga ng kaibigan naming si Audie See na si Ysabelle …

Darren Espanto Kyline Alcantara

Darren at Kyline isang taong naging mag-GF-BF

MATABILni John Fontanilla NABIGLA ang publiko nang aminin ni Darren Espanto na naging girlfriend niya ang si Kyline …

Bong Revilla, Jr

Sen. Bong naospital nagkaproblema sa sakong

REALITY BITESni Dominic Rea KASALUKUYANG nasa isang ospital si Sen Bong Revilla Jr.. Iyon ang nakita …

Dennis Trillo Jennylyn Mercado Sam Milby

Balik-tambalan ng DenJen kasado na 

I-FLEXni Jun Nardo NATAPOS na ang shooting ng pelikulang Everything About My Wife sa Cebu City.      …