Madam Inutz magpa-alaga na lang kay Sir Wil (nakatanggap na ng P200K)
Madam Inutz, Sir Wil Wilbert Tolentino
SHOWBIZ KONEK
ni Maricris Valdez Nicasio
NAIIYAK na nagpaliwanag sa kanyang Facebook page si Daisy_licious Ukay para ipaliwanag kung bakit umalis siya sa Star Image Manager.
Esplika ni Madam Inutz, humingi siya ng payo sa kanyang mga kaibigan at pamilya sa biglaang desisyon. At kumonsulta rin siya ng abogado para maunawaan niya ang nilalaman ng kontrata. Dumadaan siya ngayon sa legal na paraan para mai-release siya ng talent management.
Sa nangyayaring ito kay Madam Inutz, may mga nagsasabi na magpahawak na lang ito sa dating Mr. Gay World titlist, sikat na businessman, social media infuencer, at philanthropist, si Wilbert Tolentino.
Kay Wilbert kasi’y tiyak na maalagaan siya at mapupunta siya sa mabuting kamay. Swak nga sila bilang manager at talent. Perfect ding manager si Wilbert dahil mapagkakatiwalaan.
“Hindi rin mag-aaway ‘yan sa pera dahil mayaman si Sir Wilbert. Hindi nila pag-uusapan ang komisyon,” anang isang malapit kina Madam Inutz at Sir Wilbert.
Sa kabilang banda, may collab ang dalawa sa Wilbert Tolentino Vlogs YouTube channel kasama si Harlene Hipon. May sorpresang handog si Wilbert na nagbigay na kaagad ng P200k sa mag-ina–P100K kay Madam Inutz at P100K sa ermat niya na may sakit.
Sobra-sobrang pasasalamat ni Madam Inutz sa kabutihang loob ni Wilbert. Kaya nga nakaiiyak ang video naila, kaya silipin ito sa Surpresang Handog ni Sir Wil kay Madam Inutz with Herlene Hipon.
