HATAW! D'yaryo ng Bayan hatawtabloid.com
ALAM MO NA!
ni Nonie Nicasio
ITINUTURING na pumapangalawang Kuya Wil ang ka-freshness na si Wilbert Tolentino. Siya ay former Mr. Gay World titlist, businessman, social media infuencer, at philanthropist.
Sumusunod daw siya sa yapak ng generous TV host na si Willie Revillame. Bawat episode ng vlog niya ay mayroon siyang inaayudahan. Kahit sa subscribers niya ay namimigay si Kuya Wil II ng cash sa bawat vlog niya. Ito ay tinatawag na Kafreshness CodeBination Giveways. May 20 winners ng P500 Gcash at dalawa ang mananalo ng Oppo A15. Manood at sumali. Para sa mechanics i-follow ninyo siya sa Instagram account niya na sirwil75.
Kamakailan ay may collab sina Kuya Wil II at ang viral online seller na si Madam Inutz (Daisy Lopez) sa Wilbert Tolentino Vlogs YouTube channel na may 1.4 M subscribers. Si Madam Inutz ay na-feature noon sa KMJS. Trending din ang paggaya sa kanya ni Pokwang. Nakipag-collab din sa kanya sina Ethel Booba at Donita Nose.
Anyway, may sorpresang handog si Kuya Wil dahil nagbigay siya ng P200k sa mag-ina. P100K para kay Madam Inutz at P100K sa ermat niya na may sakit. Two days pa lang ay 1.6M na ang views nito. Hindi pa natapos diyan dahil noong Wednesday naman ay nag-upload si Kuya Wil ng two minutes shopping challenge kina Madam Inutz at Herlene Hipon. Worth P107,231 ang nahakot ni Hipon. Isi-share rin daw niya ang mga blessing na natanggap niya mula kay Kuya Wil II sa mga kamag-anak niya at sa mga nangangailangan. Naniniwala siya na ‘pag may biyayang dumating ay kailangang ipamahagi para may pumasok ulit na grasya. Si Madam Inutz naman ay umabot ng P342,173 ang na-shop sa challenge. Ititinda raw niya ito sa online para magamit sa medication ng kanyang ina.
Marami tuloy ang nagsasabi na bagay si Wilbert na maging manager ni Madam Inutz ngayong ini-release na siya ng Star Image Management. Sigurado raw na maaalagaan siya at nasa mabuting kamay ito.Perfect manager siya dahil mapagkakatiwalaan ito at may koneksyon. Hindi rin sila mag-aaway sa datung at komisyon dahil na-witness naman ni Madam Inutz ang generosity ni Kuya Wil II. Hindi rin ito nasangkot sa kontrobersiya sa pera dahil parehas itong lumaban. Abangan na lang natin kung hahantong sa talent at manager ang relasyon nila.
