HATAW! D'yaryo ng Bayan hatawtabloid.com
MA at PA
ni Rommel Placente
NAG-POST si Dennis Padilla ng throwback picture nila ng mga anak na sina Claudia at Julia Barretto at ang caption niya sa larawan ay, ”Miss you mga anak.”
May isa pang picture sila ni Julia na may caption naman na, ”Time Flies anak.”
‘Yun lang, lumipas ang mga araw na walang response sa kanyang post ang mga anak.
Kaya naman ang mga netizen bina-bash na naman si Julia na panay ang post sa bonding nila ng pamilya at nobyong si Gerald Anderson pero ang tatay ay dinededma lang.
May nagtanggol din naman kay Julia at pinagsabihan pa si Dennis na iwasan na lang nito ang mag-post sa social media ng sentimyento niya sa mga anak para ‘di na naiintriga o naba-bash si Julia.Tama rin naman ‘di ba?
