HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
“ANG focus ko po ngayon ay ang work dahil super blessed ako sa dami ng work na dumarating.” Ito ang isinagot ni Sue Ramirez kung handa na ba siyang maging first lady ng Victorias City, Negros Occidental nang matanong sa digital conference ng bago nilang serye, ang Boyfriend No.13, isang WeTV original at line produced ng APT Productions na mapapanood na simula July 2 sa WeTV at iFlix kasama sina JC De Vera at JC Santos.
Tila paiwas nga si Sue at ayaw magbigay ng detalye ukol sa relasyon niya kay Javi Benitez na sinasabing posibleng pasukin ang politika.
Sinabi pa ni Sue na wala pang filing kaya hindi pa tiyak kung tatakbo nga si Javi sa pagka-mayor ng nasabing lungsod.
Basta ang tiniyak ng aktres, hindi iyon ang focus niya. ”At this point, it’s not something I’m focused on. Very busy ako sa work. Ang dami kong blessings na dumarating—one after another. Also for Javi…so much is happening for him. So, I think, the focus is not on that aspect.”
Bukod sa Boyfriend No.13 may bago ring teleserye si Sur sa Kapamilya Channel, ang The Broken Marriage Vow.
Ginagampanan ni Sue ang karakter ni Kim, isang astrology-obsessed writer na ibinabase ang takbo ng career at romantic life sa sign ng star. Ang romantic-comedy series ay idinirehe ni John “Sweet” Lapus.
