Kakai ‘di makalagari dahil sa pandemya

SI Kakai Bautista, isa rin sa apektado ng pandemya, lalo na pagdating sa trabaho.

Ngayon kasi, hindi tulad dati, bawal ang “maglagari” sa maraming projects.

“Kasi ano, kailangan n’yong mag-usap-usap, kailangang magbigayan ng very light tapos kailangan ahead yung time ‘pag sinabing may taping sa ganito,  may taping sa ganyan.

“So kailangan hati-hatiin ‘yung time.

“Nung una nakaka-stress kasi bago kasi para sa ating lahat ito so… dati kasi pwede kang umuwi, tapos raraket ka riyan, taping ka riyan, tapos balik ka ulit doon sa isang show. 

“Ngayon hindi, eh . Kailangan mo talagang i-manage ‘yung time mo ng tama, na lahat ano, hindi mawawala.

“Pero sa akin, mayroon talagang isang show na magsa-sacrifice, kasi ‘pag tinamaan talaga ‘yung schedule niyon, tapos mas kailangan ako rito sa show na ‘to,  iyon ‘yung ano, iyon ‘yung mananalo.

“So may isang mawawala.

“Pero okay lang kasi alam ko naman din na mayroon pang chance na bumalik,” sinabi pa ni Kakai na mainstay sa First Yaya ng GMA.

Bida sa First Yaya sina Sanya Lopez (bilang si Melody Reyes) at Gabby Concepcion (bilang Glenn Acosta). Nasa nabanggit na teleserye rin sina Sandy Andolong, Pancho Magno, Gardo Versoza, Glenda Garcia, at Pilar Pilapil.

Kasama rin sa First Yaya ang tandem nina Cassy Legaspi at Joaquin “JD” Domagoso.

Nasa First Yaya rin sina Boboy Garovillo, Cai Cortez, Thia Tomalla, Anjo Damiles, Clarence Delgado, Thou Reyes, at sina Kiel Rodriguez, Analyn Barro, Jerick Dolormente, Princess Aguilar, Muriel Lomadilla, Nicki Morena, Allen Dizon, Frances Makil-Ignacio, at Mikoy Morales.     

Napapanood ang First Yaya mula Lunes hanggang Biyernes, 8:00 p.m. at idinidirehe nina LA Madridejos at Rechie del Carmen.

Rated R
ni Rommel Gonzales