Dingdong, Alden, Jasmine series inihahanda na ng GMA

PATULOY ang GMA-7 sa paghahatid ng mga dekalibreng programa sa kanilang viewers.

Nitong nakaraang buwan, nauna nang inanunsiyo ng estasyon ang ilan sa kanilang bigatin at kaabang-abang na mga programa kagaya ng Legal Wives, I Left My Heart in Sorsogon, Agimat ng Agila, Nagbabagang Luha, Ang Dalawang Ikaw, Heartful Cafe, Lolong, Love You Stranger, at FLEX.

Sa recent post sa Facebook account ni Kapuso PR Girl ay ibinunyag na rin ng GMA Network ang ilan pa sa kanilang inihahandang programa kagaya ng The World Between Us na pagbibidahan nina Alden Richards, Jasmine Curtis-Smith, at Tom Rodriguez; Love. Die. Repeat. ni Jennylyn Mercado; To Have and To Hold nina Carla Abellana at Max Collins; Artikulo 247 nina Rhian Ramos, Mark Herras, Jackie Rice, at Rocco Nacino; at Alternate ni Dingdong Dantes.

Tiyak ding kaaaliwan ng viewers ang mga programang Running Man Philippines, Sing For Hearts, Lam Na, Pa-Cute Ang Ina Ko, The Clash Season 4, The Witness, Widow’s Web, at Raising Mamay.

Ilan lang ang mga iyan sa dapat abangang programs ng GMA.

Rated R
ni Rommel Gonzales