The Lost Recipe FB 100K na

HINDI lang on-air, pang online pa! Ito ang puwersang “sakalam” ng top-rating GTV series na The Lost Recipe (TLR).

Bukod kasi sa patuloy na pagsubaybay ng viewers sa kuwento nina Harvey at Apple, damang-dama rin ang suporta ng netizens sa serye nina Mikee Quintos at Kelvin Miranda.

Kamakailan, umabot na sa 100,000 followers ang official Facebook page nito at patuloy pang nadaragdagan sa huli naming silip.

Laking pasasalamat naman ng mga bumubuo ng programa sa netizens na patuloy na sumusuporta sa TLR hindi lamang sa pamamagitan ng pagtutok gabi-gabi sa serye kundi pati na rin sa pagtangkilik ng kanilang social media platform.

Sa Facebook page ng The Lost Recipe ay makakakuha ang fans ng iba’t ibang exclusive content tungkol kina Kelvin, Mikee, at iba pang cast ng programa. Makikita rin dito ang memes, exclusive kilig moments, pati na rin ang funny photos at TikTok videos ng tambalang #MiKel.

Kaya sa mga hindi pa naka-subscribe, i-like at follow na ang Facebook page ng The Lost Recipe (@TheLostRecipeGTV) para makakuha ng updates.  

Rated R
ni Rommel Gonzales